Page 8 - An Mhaighdean Mhara Bheag (C)
P. 8

D’éiríodh an mhaighdean mhara bheag go barr  uisce  chuile

               mhaidin as sin amach, agus í ag súil go bhfeicfeadh sí an Prionsa. Bhí

               sé  de mhisneach aici snámh ní  ba  ghaire  don  mhórthír ná  mar a

               rinne  a  cuid  deirfiúracha  agus  m’anam  tar  éis  píosa  go  raibh

               súilaithne aici ar na hiascairí mar gheall air sin. Bhí a fhios aici freisin

               cén uair a théadh an Prionsa ag seoltóireacht.

                       “Cén fhaid a mhaireann neacha daonna?” a d’fhiafraigh sí dá

               mamó lá amháin, agus í ag cíoradh a cuid gruaige finne.

                       “Ní mhaireann siad rófhada,” arsa a mamó. “Ach níl an saghas


               céanna báis i ndán dóibh is atá i ndán dúinn. Cén fath a bhfuil tú ag

               cur na gceisteanna céanna orm arís?”

                       “Ní theastaíonn uaim a bheith i mo chúr ar an bhfarraige,” arsa

               an  Mhaighdean Mhara  Bheag  go brónach. “Is  é  mian mo  chroí a

               bheith díreach cosúil leis na neacha daonna.”

                       Nuair  a chuala a mamó a cuid  cainte,  bhí sí le ceangal. “Is

               maighdean mhara bheag thusa,” ar sise go borb leis an Maighdean

               Mhara.

                       “Tá eireaball éisc ort agus ní ghlacfar leat mar neach daonna.


               Ní thitfidh aon fhear daonna i ngrá leat  go  brách na beatha  mar

               gheall ar d’eireaball éisc – is rud gránna é, dar leo.”

                       An oíche sin  chas  an mhaighdean mhara  bheag amhrán dá

               hathair agus dá deirfiúracha, agus chas sí ní ba bhinne ná mar a chas

               sí riamh ina saol é. Díreach ina dhiaidh sin d’éalaigh sí léi go ciúin.

               Bhí cinneadh déanta aici. Bhí sé beartaithe aici cuairt a thabhairt ar

               an gcailleach mhara uafásach, cailleach a raibh eagla  ar chuile

               dhuine roimpi agus a raibh clú agus cáil uirthi ar fud ríocht na mara

               mar gheall ar a cuid cumhachtaí.
   3   4   5   6   7   8   9   10   11   12   13