Page 7 - An Mhaighdean Mhara Bheag (C)
P. 7

chun cúnamh a lorg dó, agus is gearr gur tháinig an lucht cúnaimh

               agus gur cuireadh ar shínteán é agus thug siad leo é.

                       Faoi bhrón, thum an mhaighdean mhara faoin uisce agus d’fhill

               sí ar chaisleán a hathar. Chuaigh sí go dtí a gairdín speisialta féin gan

               a thuilleadh moille,  le go bhféadfadh sí a  bheith gar dá  dealbh

               ionúin, dealbh a raibh an-dealramh aige lena Prionsa dathúil.

                       De réir mar a  shleamhnaigh  na laethanta  thart d’éirigh an

               mhaighdean  mhara bheag ní ba mhachnamhaí  agus ní ba  chiúine

               fós.  Ní  bhíodh  meangadh gáire ar a  haghaidh  ach corruair, agus


               dhiúltaíodh  sí glan a bheith ag  déanamh  spóirt  agus spraoi lena

               deirfiúracha.

               “Inis do  rún dúinn,” a d’impigh an deirfiúr  ba shine uirthi lá.

               “B’fhéidir go mbeadh muid in ann cúnamh a thabhairt duit.”

                       “Níl sibh in ann cúnamh a thabhairt dom,” arsa an mhaighdean

               mhara bheag. “Táim i ngrá le neach daonna, Prionsa ard dathúil.”

                       “Ach tá a fhios againn cá bhfuil sé ina chónaí!” arsa an deirfiúr

               ba shine.

               “Is minic a chonaiceamar ina bhád seoil é. Gabh i leith uait go beo,


               tabharfaimid chuig a phálás thú.”

                       Agus leis sin chuir na deirfiúracha lámha faoi ascaillí a chéile

               agus  shnámh  siad le chéile  tríd  an bhfarraige  ghléineach  go  barr

               uisce. “Breathnaigh  ansin!” arsa  an deirfiúr  ba  shine, agus iad ag

               briseadh trí na tonnta. “Sin é a phálás; tá sé i mbéal toinne nach

               mór. Ní bhíonn  sé de  mhisneach  againn snámh  róghar  dó ach

               tagann an Prionsa amach ó thráth go chéile agus seasann sé ar na

               céimeanna marmair a théann síos chun na farraige.”

                       Tháinig aoibh an gháire  ar aghaidh na maighdine mara  bige,


               den chéad uair le cúpla lá anuas. “Tiocfaidh mise anseo pé uair is

               mian liom,” ar sise. “Táim sásta anois mar  tá a fhios agam go

               bhfeicfidh mé lá éigin é.”
   2   3   4   5   6   7   8   9   10   11   12