Page 2 - An Mhaighdean Mhara Bheag (C)
P. 2

Murab ionann is a deirfiúracha, ní bhaineadh sí  aon sásamh as

               cuairteanna a thabhairt ar longbháití, agus ghoill sé go mór uirthi

               aon uair a théadh long bhriste go tóin poill. Aon uair a tharlaíodh sé

               seo théadh sí go dtí na gairdíní áille a bhí thart timpeall chaisleán a

               hathar agus d’fhanadh sí ann ar feadh tamaill. Ba ann i measc na

               mbláthanna dearga agus dubhghorma agus i measc na dtorthaí órga

               a bhíodh sí ag brionglóidigh faoin lá a mbeadh sí cúig bliana déag

               d’aois.

                       Bhí cúis mhaith aici le bheith ag tnúth chomh mór sin leis, mar


               bhí a fhios aici go dtabharfaí cead di dul pé áit ba mhian léi agus í in

               aois a cúig bliana déag. Bheadh cead aici éirí go barr uisce dá mba

               mhian léi, agus suí ar na carraigeacha nó a bheith ag snámh gar don

               talamh tirim,  áit  a mbíodh cónaí ar neacha daonna.  Lá  amháin,

               tháinig an mhaighdean mhara bheag trasna ar dhealbh ó shoitheach

               a chuaigh go tóinn poill, dealbh de bhuachaill a raibh éadan álainn

               cneasta air. Thug sí go cáiréiseach an dealbh  sin ar ais  go  dtí  a

               cúinne speisialta sa ghairdín, agus ba ghearr go raibh an dealbh sin

               ar an rud ab  ansa  léi  dá raibh  aici. Bhí fonn mór uirthi neacha


               daonna a fheiceáil di féin agus ba í an dealbh ba chúis leis sin.

                       Faoi dheireadh thiar thall, tháinig an lá a raibh iníon Rí na Mara

               cúig bliana déag d’aois. Bhí go leor eolais faoi neacha daonna faighte

               aici óna mamó, agus anois bheadh cead aici iad a fheiceáil di féin.

                       “Ceapfaidh tú go bhfuil cuma aisteach orthu,” arsa a máthair

               chríonna léi ar a breithlá, agus iad ina suí le chéile. “Tá eireabaill

               ghalánta éisc orainne. Tá dhá thaca coirp fúthusan a dtugtar cosa

               orthu.”

               “Mar sin,  ní féidir linn a bheith díreach cosúil leo?” arsa an


               mhaighdean mhara bheag.
   1   2   3   4   5   6   7