Page 10 - An Mhaighdean Mhara Bheag (C)
P. 10

Ní raibh aon bhláthanna ag fás  san áit a raibh cónaí ar an

               gcailleach mhara. Ní raibh ann ach poill dhorcha dhoimhne dhorcha

               agus bhí láib dhubh shleamhain chuile áit feadh an bhealaigh. Bhí

               teach na caillí mara suite i measc giolcach ard a raibh cuma

               nathracha buí ramhra orthu. Bhí mionganna contúirteacha riascacha

               thart timpeall air, áit a raibh cónaí ar ainmhithe nimhiúla na mara.

                       Bhí an áit seo  duairc  scéiniúil  agus b’éigean di  a misneach a

               mhúscailt sular shnámh sí i dtreo an tí.

                       Bhí an chailleach mhara ina suí ar bhinse cnámh, binse a bhí


               déanta as cnámha  bána na ndaoine  nár tháinig slán  as  báid  a

               d’imigh go tóin poill. Bhí nathracha ag snámhaíl ar a géaga agus an

               peata ab ansa léi, buaf ramhar ghránna ina suí ina hucht.

                       “Tá  a  fhios agam céard  atá  uait,” arsa  an chailleach  mhara,

               chomh luath agus a shnámh an Mhaighdean Mhara chuici. “Tá tú ag

               iarraidh fáil réidh le d’eireaball éisc agus dhá thaca coirp a bheith fút

               chun go dtitfidh an Prionsa óg daonna i ngrá leat.”

                       “Tá!” arsa an mhaighdean mhara bheag de chogar. “Sin  é

               díreach atá uaim. An gcabhróidh tú liom?”


                       “Cabhróidh, cabhróidh mé leat,” arsa an chailleach mhara, “má

               tá tú sásta díol as.”

                       “Tá, tá mé sásta díol as,” arsa an Mhaighdean Mhara.

                       “Mar sin, réiteoidh mé deoch dhraíochta duit. Caithfidh tú a

               hól nuair a bheidh tú ar thalamh tirim,” arsa an chailleach mhara.

               “Éireoidh d’eireaball seargtha agus ansin tiocfaidh deireadh leis.

               Beidh dhá chos fút ina áit. Ach beidh pian mhór ort. An bhfuil tú

               sásta cur suas leis?”

                       “Tá, tá  mé sásta a bheith thios leis,” arsa an  mhaighdean


               mhara bheag de chogar.
   5   6   7   8   9   10   11   12   13   14   15